فترة الصيف من اكتر الاوقات اللي الناس بتسافر فيها تركيا فانا هاقولكوا ايه اهم الاماكن اللي ممكن تروحوها في رحلتكوا لتركيا فنركز بقي عشان البوست طويل شويه مبدئيا
أيا صوفيا الرائعة
فترة الصيف من اكتر الاوقات اللي الناس بتسافر فيها تركيا فانا هاقولكوا ايه اهم الاماكن اللي ممكن تروحوها في رحلتكوا لتركيا فنركز بقي عشان البوست طويل شويه مبدئيا هنقسم الاماكن لأماكن جوه اسطنبول واماكن بره اسطنبول
الاول اسطنبولخالص فيه مكان في اسطنبول اسمه mini turkey في ده عباره عن بارك كبير فيه مجسمات لكل المعالم والاماكن اللي ممكن تروحوها في تركيا عامة واسطنبول خاصة ميزته انكوا تقدروا تشوفوا طببعة الاماكن قبل ماتروحوها بالنسبه لأهم الاماكن السياحيه في اسطنبول فعندكوا - المساجد في اسطنبول زي مسجد السلطان احمد ومسجد ايا صوفيا والمسجدين جنب بعض وجنبهم بارك معروفه جدا اسمها جولهاني بارك ودي فيها قصر طوب كابي اللي اتصور فيه مسلسل حريم السلطان ولمعلوماتكوا مسجد السلطان احمد وايا صوفيا وجولهاني بارك بيتراحوا بالترام وقريبين جدا من بعض ممكن تبدأوا اليوم بالفطار في مطعم البارك لانه مطعم حلو جدا مسجد ومنطقة الفاتح وفي الفاتح موجود حي معروف جدا اسمه حي بلاط في الحي ده بقي موجود منطقة تصوير مسلسل الحفره وقهوة ادريس بابا مسجد ومنطقة السليمانيه ودي منطقه جميله جدا وفيها افيهات كتير الفيو بتاعها علي البوسفور تحفه جدا مسجد اورتاكوي وده مسجد عند البوسفور ومنطقته من المناطق الجميله جدا وفيها كافيهات علي البوسفور علي طول مسجد ومنطقة السلطان ايوب ودي فيها كافيه حلو جدا بنطلعله بالتليفريك والفيو من عنده حلو جدا - جزر الاميرات ودول كذا جزيره حلوين جدا وفيهم اماكن حلوه كتير للتصوير واول جزيره فيها شواطئ الناس بتنزل فيها الميه بس خدوا بالكوا شواطئ صخريه وأشهر جزيره هناك هي اخر جزيره اسمها بيوك اضه الجزر بتركبولها باخره بتطلع من كاباتش او امينونو وبتتحاسبوا بكارت المواصلات عادي - تلة العرايس ودي بارك بتقدروا شوفوا منها اسطنبول كلها ميدان تقسيم وشارع الاستقلال ودول من اشهر الاماكن السياحيه في اسطنبول ومن شارع الاستقلال بتتمشوا شويه حلوين عشان تروحوا برة جالطه المشهور جدا هناك متحف الشوكلاته وده عباره عن متحف فيه مجسمات لاهم معالم اسطنبول كلها بالشوكولاته الاكوريوم في اسطنبول برضه حلوه جدا وليها باصات من ميدان الاستقلال بتروح وتيجي فري انا مروحتهاش بس اعرف انها من اكبر لاكوريوم علي مستوي العالم وحجزها بيبقي اونلاين من موقع اكوريوم اسطنبول
منطقة امينونو ودي منطقه فيها مطاعم سمك كتير جدا ومشهوره بعربيات ساندوتشات السمك وممكن من امينونو تركبوا الباخره وتروحوا اسطنبول الاسيويه وتتمشوا علي الساحل او تقعدوا علي كافيه هناك القعده حلوه جدا ومن امينونو ممكن تعملوا رحلة البوسفور بتبقي 3 ساعات لكل البوسفور ساحل بيبيك وده ساحل لمنطقة بيبيك اللي تعتبر من اغن مناطق اسطنبول وساكن فيها الممثلين الاتراك والتمشيه علي الساحل حلوه جدا جدا
نروح الاماكن دي كلها ازاي بمنتهى البساطه بتشتروا كارت المواصلات من اي محطة مترو او اكشاك كتير بتبيعه او من فروع بيم وبتشحنوه وبيبقي علي حسب المشوار ونوع المواصله بتتحدد التكلفه ومبتحتاجوش تسألوا علي الاماكن فين هناك ال GPS ممتاز جدا مجرد مابتكنب المكان اللي هتروحه بيجبلك انواع المواصلات المتاحه وتفاصيل المحطات بتاعت المواصلات العامه المواصلات العامه في اسطنبول هي المترو - الترام - المترو بوس ( وده بيبقي باصات ليها طريق لوحده هي اللي بتمشي فيه بس فبتبقي شبه المترو في طريقها - السفن والعبارات - حتي التلفريك في السلطان ايوب مثلا بيعتبر مواصلات عامه -
بالنسبه بقي للاماكن اللي بره اسطنبول عندكوا رحلات اليوم الواحد زي رحلة بورصه ورحلة صبانجا ومعشوقيه ومينفعش حد يسافر تركيا من غير مايروح الشمال ودي بتبقي رحلة طرابزون وحوالي 3 او 4 مدن جنبها بتبقي من احلي الاماكن اللي هتشوفوها في حياتكوا من حيث الطبيعه وفيه رحلة انطاليا ورحلة فتيحيه ورحلة كبادوكيا بتبقي كل رحله منهم يومين او تلاته برضه كل الرحلات اللي بره اسطنبول دي بتطلعوها مع شركات سياحه داخليه في اسطنبول او في المدن اللي عايزين تروحوها وشركات السياحه اللي في ميدان تقسيم كتير جدا وبيوفروا مرشدين بالعربي وكل اللي بيطلعوا معاهم بيكونوا عرب فالموضوع بيبقي جميل جدا دي اهم الاماكن اللي ممكن تروحوها في رحلة تركيا بتحتاج بس تنظيم وقت وهعملكوا بوستات تانيه عن اهم مولات الشوبينج ومطاعم الاكل التركيه ان شاء الله واذا في اي استفسار في اي وقت فانا معاكوا
تعليقات