إحنا من زمن قرص الطعمية بقرش من زمن اللي غمسوا رغيف العيش بالمش وياما شفنا الزبادي لما كان لها وشحنا شفنا الأبيض والأسود قبل ما يخترعوا الدش
إحنا من زمن اللي غمسوا رغيف العيش بالمش
إحنا اللي أكلنا السمن البلدي قبل ما يتغش
وياما شفنا الزبادي لما كان لها وش
إحنا شفنا الأبيض والأسود قبل ما يخترعوا الدش
إحنا اللي نمنا على المراتب اللي محشية قطن
إحنا اللي عاصرنا لمبة الجاز لما النور يقطع وتحت السرير بنخش
وهباب الوابور اللي حش صحة أمهاتنا حش
والأم ماسكة الفوطة وعلى الوشوش بتنش
إحنا زمن الأخلاق وإحترام الكبير من الخدش
واحنا روحنا مدارسنا كل يوم علي الاقدام مشي
واحنا اللي اتربينا علي الحب مش كل يوم بوش
واحنا اللي اتعلمنا نحترم كبيرنا ونقوم له لما علينا يخش
واحنا اللي احترمنا استاذنا ومعرفناش يعني ايه غش
احنا الغلابه بقلوب طيبة حتي لو اكلناها مش
تعليقات